سيڪشن؛   تاريخ

ڪتاب: جنگ مياڻي

باب: --

صفحو :1

جنگ مياڻي

قادر بخش نظاماڻي

 

عنوان

 

آءٌ هي ناچيز ڪوشش، محترم مير الهه بچائي خان ٽالپر جي نالي سان معنون ڪندي، هن ڪري اطمينان محسوس ڪريان ٿو، جو اڄوڪي قحط الرجال ۾ هن جي ئي ذات آهي، جنهن جي دل ۾.

ذهني بلندي، قومي خودي ۽ انهن سڀني روايتن

کي برقرار رکڻ لاءِ بي انتها تڙپ ۽ بي پايان جذبه موجود آهي، جن کي وري بيدار ڪرڻ ۽ زنده رکڻ لاءِ هنن صفحن ۾ ڪوشش ڪئي وئي آهي.

 

          قادر بخش نظاماڻي

           ڪراچي 25 مارچ 1947

 

 

مير الهه بچايو خان ٽالپر

(ايم. ايس. سي. ٽيڪساس)

 

 

786

تمهيد

 

تاريخ نويسي ۽ وقايع نگاري مسلمانن جو ڏاج آهي. جيڪڏهن اسلامي اتهاس تي نظر ڪبي، ۽ ٻين قومن سان ان جو مقابلو ڪبو، ته واضح ٿيندو ته ڪنهن به مذهب يا ملت ايترا تاريخ نويس پيدا نه ڪيا آهن، جيترا مسلم قوم. ليڪن سنڌ جي حالت ۾ قصو برعڪس آهي. يا ته اسان جي سلف صالح اسان لاءِ ڪو تاريخي ذخيرو نه ڇڏيو، يا جيڪڏهن ڇڏيو ته اهو اسان جي بي اعتنائيءَ ۽ غفلت وچان ناس ٿي ويو. بهرحال انهيءَ حقيقت تي جيترو ارمان ڪجي اوترو ٿورو آهي.

نهايت خوشيءَ جي ڳالهه آهي جو اسان جي نوجوانن ۾ پنهنجي گذشته تاريخ کي زنده ڪرڻ ۽ ان کي تحقيق ۽ تدقيق سان لکڻ جو جذبو پيدا ٿيو آهي. مسٽر قادر بخش نظاماڻي جنهن نموني ۽ نوع ۽ طرز عبارت ۾ هي ڪتابڙو لکيو آهي سو تحسين جي لائق آهي. ميرن صاحبن جي حڪومت جي زواليت جا ڪارڻ ۽ خصيمن جون نيرنگيون چڱيءَ طرح نروار ڪيون ويون آهن. اصلي ماخذن جو ڳوڙهو اڀياس ڪري تاريخي حقائق کي مختصر پر مايه دار لفظن ۾ ادا ڪيو ويو آهي. گاهگاهي پروف جون غلطيون سو رهجي ويون آهن، ۽ پڻ تاريخي حوالن جا صفحا نه ڏنا ويا آهن. اميد ٿي ڪجي ته ڪتاب جي ٻيءَ طباعت ۾ اهي خاميون دور ڪيون وينديون، ۽ پڻ عجلت کي ڇڏي دٻي جي لڙائي جي ايندڙ انجام ڪيل ڪتاب ۾ انهن ڳالهين تي پورو توجهه ڏنو ويندو.

 هي ڪتابڙو مسٽر قادر بخش نظاماڻيءَ جي تاريخي ذوق ۽ علمي حميت جو پيش خيمو آهي. اڃا ته هي صبح جا آثار آهن، جڏهن سندس تصنيفي تحمس جو آفتاب جلوه گر ٿيندو، تڏهن قوم سندس بي لوث ڪوششن ۽ دماغي ڪاوشن جو بيحد قدر ڪندي.

والله الموفق الي الصواب

اضعف الانام

عمر بن محمد داؤد پوٽو عفي عنہ

نئون صفحو --  ڪتاب جو ٽائيٽل صفحو
ٻيا صفحا 1 2 3 4 5 6 7 8 9 10
هوم پيج - - لائبريري ڪئٽلاگ

© Copy Right 2007
Sindhi Adabi Board (Jamshoro),
Ph: 022-2633679 Email: bookinfo@sindhiadabiboard.org