غَزَلَ نَمبَرُ 16

”غَرِيۡبُ“

آهِ شَاهُوڪَارَ جوۡ سَاروۡ ئِيۡ، سَرۡمَايوۡ غَرِيۡبُ،
بَلۡڪِ دوۡلَتَ مَنّدَ جوۡ دَرۡبَانُ ۽ دَايوۡ غَرِيۡبُ.
آهِ دوۡلَتۡ مَنّدَ کيۡ، دوۡلَتَ مَٿيۡ پَنۡهِنۡجِيۡ غُرُورُ،
تَنۡهنۡ ڪَريۡ گهُمَنۡدوۡ وَتيۡ، پَنۡهِنۡجيۡ پُٺِيَانۡ لَايوۡ غَريۡبُ.
قوۡمَ جَا پيۡسَا کَپَائيۡ، قوۡمَ تيۡ ٿِيۡ حُڪمِرَانُ،
سَيۡرُ ڪَنِ پَنۡهنجيۡ اِرَاديۡ، سَاڻُ ڪَهَڪَايوۡ غَرِيۡبُ.
قوۡمَ ۽ مِلَّتِ فروۡشِيۡ، جيۡ ڪَريۡ مَمۡتَازَ ٿِيَا،
تَنۡ جيۡ اَڳِيَانۡ پِئوۡ مَريۡ، ٻَارَن سَان ٻاڏايوۡ غَريۡبُ.
رُعۡبِ حَاڪِمَ جيۡ سَبَبِ، ڪَئِيۡ دِيۡنَ جيۡ پَرۡوَاه نَه جَنِ،
تَنۡ هَٿَانۡ اَڄُ آهِ ويۡٺوۡ، موۡچِڙَا کَايوۡ غَريۡبُ.
موۡتَ جيۡ ڊَپَ کَانۡ ڀَڄِيۡ، نَامَرۡدَ ٿِيۡ آيَا هِتيۡ،
وَاهَ پَنۡهنجَا سِرَ بَچائِيۡ پُٺِيَانۡ مَارايوۡ غَرِيۡبُ.
ڀَاڳِيوۡ اَڄُ چوۡرُ آهيۡ، چوۡرَ کيۡ پَرۡوَاهَ نَاهِ،
جيۡڪَڏَهِنۡ فَرۡيَادُ ٿَاڻيۡ، تيۡ کَڻِيۡ آيوۡ غَرِيۡبُ.
چوۡرُ قِسۡمَتَ سَاڻُ ڦَاۡٿوۡ، تُرۡتُ اِيۡندَسِ وَاهَروُ،
چوۡرُ سَڳَه سوُڌوۡ ڇُٽوۡ ۽، مُفۡتُ ڦَاسَايوۡ غَرِيۡبُ.
مُلۡڪُ پَاڪِسۡتَانُ پَرَ، قَانُونُ قُرَۡآنِيۡ ڪِٿي،
دُزۡدَ ڌوۡڪوۡ ڏَئِيۡ وِيَا، سَانۡ رَمۡزَ رِيۡجَهايوۡ غَرِيۡبُ.
مُلۡڪَ ۾ رُشوَتَ رِيَاڪَارِيۡ، هَليۡ ظَاهِرُ ظُهُورُ،
چَؤۡ طَرَفِ ڦورُوۡ ڦُرۡيُونۡ، ڪَنِ دُزۡدَ ڌَمَڪَايوۡ غَرِيۡبُ.
ڪوۡ ٻُڌَنّدَڙُ ڪوۡ نَه آهيۡ، دَانَهنَ يَا فَرۡيَادُ ڪوۡ،
ڀَلِ مَريۡ پِئوۡ مُلۡڪَ ۾، اَڄُ موۡچِڙَا کَايو غَرِيۡبُ.
صَبۡرُ ڪَرۡ سَائِل سَدَا توۡفِيۡقَ، رَکُه طَاعِتَ بِه ڪَرۡ،
وَقۡتُ اِيندوۡ جَڏَهٍ ٿِينۡدو، سَڀَ مَٿَانۡ سَايوۡ غَرِيۡبُ.
 

غَزَلُ نَمبَرُ 17

”چَمۡڪَايوۡ غَرِيۡبَ“

دَرۡاَصُلِ اِسۡلَامَ کيۡ چَؤگَرۡدِ، چَمۡڪَايوۡ غَرِيۡبَ.
دِيۡنَ ۽ اِيۡمَان جوۡ پَهۡرِيۡن وِڌوۡ، پَايوۡ غَرِيۡبَ.
نُوحؑ ، اِبۡرَاهِيۡمؑ، مُوسيٰؑ، ۽ ٻِيَا جمۡليۡ نَبِيۡؐ،
تَنۡجِيۡ طَاعِتَ ۽ اِعَانَتَ، ۾ بِه سِرُ نَايوۡ غَرِيۡبَ.
فَارِسِيۡ سَلۡمَانُ فَارِسَ، مَانۡ پِيَادوۡ وِيوۡ پُڄِيۡ،
ڪِيئَنۡ نَه آخِر دِيۡنِ حقُ، سَڀني کيۡ سَمۡجَهايوۡ غَرِيۡبَ.
عَبَسَ وَتَوَليٰ ۾ ڏِسُ ڪيئن، حُڪۡمُ ٿِيوۡ محبوُبَ کِيۡ،
جِيئن سَنۡدَنِ صُحۡبَتَ ۾ سِڪَ، سَانۡ صُبُحَ جوۡ آيوۡ غَرِيۡبُ.
مُنۡهُن نَه مَٽِ اِنَ کَانۡ جَڏَهٍ، آيوۡ وَٽَئِيۡ اَعۡميٰ هَلِيۡ،
ڇَڏِ اِنَهَنِ مُتَڪَبِّرَنِ کيۡ ڪَرۡمَٿَانۡ سَايوۡ غَرِيۡبَ.
عَهۡدِ فَارُوقِيۡءَ ۾ هوۡ فَارُوقُ، غُرۡبَا جوۡ مَزُورُ،
ڪيئن نَه ٿيۡ جَا چِئينۡ هَميۡشه، ويۡسَ بَدۡلَايوۡ غَرِيۡبَ.
سُوَارُ هوۡ ٻَانهُونۡ، خَليۡفيۡ، جيۡ هَٿَنِ ۾ هُئيۡ مَهَارَ،
اِنَطَرَحۡ اِسۡلَامَ رَاءُفَتَ، سَانۡ رَکِيوۡ رَايوۡ غَرِيۡبَ.
جيۡڪَڏَهِنۡ نَاهيۡ اَمانَتَ، توۡ ۾ ڇَڏِ مَسۡنَدَ رَسُولؐ،
دوۡرِ فَارُوقِيۡءَ ۾ دَهشَتَ، سَاڻُ فَرۡمَايوۡ غَرِيۡبَ.
ڪِيئَنۡ نَه قاصِدَ جيۡ وَٺِيوۡ، ڪنجّڪ خَلِيۡفوۡ پيۡ هَلَيوۡ،
اِنَطَرَحَ سَانۡ قَرۡنِ اُوليٰ، ۾ شَرَفُ پَايوۡ غَرِيۡبَ.
لَنۡ تَنَالوُ الۡبِرَّ حَتّيٰ تُنۡفِقُوا، آيوۡ جَڏَهِنۡ،
پيۡشِ ڪِئوۡ آڻيۡ اَڳِيَان، سَرَوَرَ جيۡ سَرۡمَايوۡ غَرِيۡبَ.
صُحۡبَتِيۡ سَائِلَ سَدَائِيۡنۡ، سَيَّدُ الۡاَبۡرَارَ جوۡ،
ڪَنۡهِن بِه مَجۡلِسَ ۾ ڪَڏَهٍ هوۡ، ڪِيۡنَ شَرۡمَايوۡ غَرِيۡبَ.

 

غَزَلُ نَمبَرُ 18

”تَلۡقِيۡنَ عَمَلِ نيۡڪَ“

مُسۡلِمَانو! هُجيۡ اَلله سَانۡ، اُلۡفَتَ عَيَانۡ پَنۡهنجِيۡ،
هَميۡشَه حَمۡدِ هَادِيءَ سَانۡ، رَکُون رَطَبُ الِّسَانۡ پَنهنجِيۡ.
گهُرَڻَ ڌَارَانۡ گَهڻِيُونۡ، گهُرۡجُونۡ پِئو پُورِيُونۡ ڪَريۡ پَرَوَرُ،
اُنِهيءَ اَڳِيَانۡ هَلِيۡ حَالَتِ ڪَرۡيُونۡ هَرۡڪَا بَيَانۡ پَنۡهِنجيۡ.
اُهوۡ خَالِقُ اَسَانۡ جوۡ ۽ اَسِيۡن، مَخۡلُوقَ سَڀِ انَ جَا،
اُنِهيءَ قُدۡرَتَ سَانۡ قَائِمَ ڪَئِيۡ، زَمِيۡن و آسِمَانۡ پَنۡهِنۡجي.
اُهوۡ مَالِڪُ اَسَانۡ جوۡ ۽ اَسَانۡ، بَنَّدَا سَنۡدَسِ سَڀَئيۡ،
ڇَڏيۡ اُنَ کيۡ نَه ڪَريُونۡ زندگيۡ، ٻيۡ هَنۡڌِ زِيَانۡ پَنهِنۡجيۡ.
اَسَانۡجيۡ زِندگي ۽ موۡتُ، ٻِئوۡ سَڀُ ڪُجههُ سَنۡدَسِ هَٿَ ۾،
اَسَان ڀُلۡجِيۡ پِئَا ڀَانۡيُونۡ، سَڀَئِيۡ شَيءِ بيگُمَانۡ پَنهِنۡجيۡ.
اَسَانۡ وَٽِ جوۡ بِه ڪُجھُ آهيۡ اَمَانَتَ جيۡ طَرَح آهيۡ،
مَگَرۡ اُنَ جيۡ اَمانَتَ کيۡ ڪيوۡ آهيۡ اَسَانۡ پَنهِنۡجيۡ.
اَسِيۡن سَڀۡ مَالُ سِرُ ۽ آلُ، اُنَ جوئيۡ ڏيئيۡ اُن کيۡ،
ڪَرۡيونۡ ڇوۡ ڪِيۡنَ؟ هيءَ فَانِيۡ، حَيَاتِيۡ، جَاوِدَانۡ پَنهنۡجِيۡ.
اُٿوۡن اللهُ اَڪۡبَرُ چَئِيۡ، مُجَاهِدَ ٿِيۡ مَرُونۡ حَقَ تيۡ،
بَنَايُونۡ ڇوۡ نه؟ جَنَّت کيۡ، اَسَانۡ اَڄُ آشِيَانۡ پَنهِنۡجيۡ.
رَسُولِؐ اللهِ جِيۡ طَاعِتَ ڪَريۡ، حَاصۡلُ ڪَرۡيُونۡ رَحۡمَتَ،
حَشَرَ ۾ هُئيۡ سَنۡدَسِ ڪُبۡرَا، شَفَاعِتَ پَاسِبَانۡ پَنهِنۡجيۡ.

 

غَزَلُ نَمبَرُ 19

”اِمۡتِحَانۡ ڪَجيۡ“

پَهۡرِيۡن ته پَنهِنۡجوۡ پَاڻَ اُٿِيۡ، اِمۡتِحَانۡ ڪَجيۡ،
پَنۡهِنۡجوۡ حِسَابُ پَنۡهِنۡجيۡ، اَندَرَ ۾ عَيَانۡ ڪَجيۡ.
هَٿُ ڪَارِ ۾ هُجيۡ ته بِه، دِلِ يَارَسَانۡ هُجيۡ،
هَرۡ وَقۡتِ ذِڪۡرِ حَق سَندوۡ، وِرۡدِ زبَانۡ ڪَجيۡ.
ٻِيَا خَامَ خِيَالَ لَاڙيۡ ۽، دِلِ صَافُ ٿِيۡ سَدَا،
اِذۡڪَارِ رَبّ پَاڪ سَانۡ، رَگه رَگه رَوَانۡ ڪَجيۡ.
سَڀۡ ڪَمُ ڪَجيۡ خُدَا لَئِه، ٻِيوۡ ڪوۡ رِيَا نَه رَکُه،
اللهَ جوۡ هَميۡشَه ئِيۡ، دِلِ ۾ ڌِيَانۡ ڪَجيۡ.
نِوِڙَتِ نِيَازُ گهُرۡجيۡ، نَه ٽيۡڙيۡ نَه تَڪّبُرُ،
قَهَّارَ جيۡ قَهَرَ جوۡ، تَصَوُرُ گُمَانۡ ڪَجيۡ.
خَلۡقِ خُدَا جيۡ خِدۡمَتَ ۾ ٿِيۡ رَضاءِ رَبَّ،
رَاضِيۡ ڪَريۡ خُدَا کيۡ، دلِ شَادِمَانۡ ڪَجيۡ.
خَائِفُ ٿِيۡ رَهُ خُدَا کَانۡ ۽ اُنَ جيۡ حُڪُمَ تيۡ هَلۡ،
دَرۡگَه ۾ خَاصَ اُنَ سَنۡديۡ، آهِ و فِغَانۡ ڪَجيۡ.
تيۡغ و تَبَرَ سَانۡ مُسَلَحۡ و ، آراسِتَه رَهِيۡ،
قوۡمِيۡ سِپَاهَ ۾ گَڏُ، پِيۡر و جَوانۡ ڪَجيۡ.
دَهَشَتَ هُجيۡ عَدُّوَتيۡ، جَذۡبَئهِ جَهَادَ مَانۡ،
زيۡروۡ زبَرۡ زَمِيۡنۡ ڪَجيۡ، ۽ آسِمَانۡ ڪَجيۡ.
سَائِلَ رَهيۡ خُدَا جوۡ ۽، پِيرو نَبِيءَؐ سَنۡدو،
ڪوۡشَشِ ڪَجِيۡ تَه پَنۡهِنجوۡ، چَڱوۡن آسِتَانۡ ڪَجيۡ.

 

غَزَلُ نَمبَرُ 20

”موۡنکيۡ هوۡ هَارَ هرۡ کَايوۡ“

چَنيۡسَرَ کيۡ چَوَانۡ ڇَا؟ جو، مُونۡکيۡ هوۡ هَارَ هِرۡکَايوۡ،
وِڃَائيۡ وَرُ هَٿَانۡ پَنۡهنجيۡ، هينئَر مُونۡ پَاڻَ پَڇۡتَايوۡ.
هِيئين ۾ هَارَ جِيۡ حُبَ ٿِيۡ، عَقُلُ مُنهِنۡجوۡ اُڏَامِيۡ ويوۡ،
هِينئَرَ هُنَجيۡ وِڇوۡڙيۡ ۾ رُئَان، ڳُڻُ ڳوٺ سَان ڳَايو.
ڀُليَسِ مُونۡ ڪيۡنَ ٿيۡ ڀَانۡيو، تَه مُنهِنۡجو وَرُ هَٿَان وينۡدوۡ،
مونۡکيۡ هوۡ نَفۡسَ اَمَّاريۡ، اَچيۡ، هُنَ لَاءِ همَٿَايوۡ.
طَمَعَ جَا طَالۡبُوسيۡ غَرَضَ، پَنۡهنجيۡ ۾ غَرَقُ آهِنۡ،
طَمَع جَنۡهِنۡ ڪَئِيۡ تَرَڪُ تَنهِنۡ، پَنۡهِنۡجوۡ پَرَوَرُ پَاڪُ پَرۡچَايوۡ.
زِشَرِّ نَفۡسِ اَمَّاريۡ، نِگَا هَمۡ دَارِ يَاالله،
ڀُلَائيۡ مُونکيۡ جَنۡهِن مُنۡهنجيۡ، قَلۡبَ کيۡ آهِ ڪَهَڪَايوۡ.
گُنَهَگَارَنِ جوۡ توۡريءَ بَس، ٻِيوۡ غَفّارُ ڪوۡ نَاهيۡ،
تَڏَهٍ دَرۡگَاهَ تُنۡهِنۡجِيۡ مَانۡ، پِنَانۡ ٿوۡ پَانۡدُ ڳَل پَايوۡ.
اُگهَاڙَنِ کيۡ ڍَڪِينۡدَڙَ ڍَڪِ، سَچوۡ سَتّارُ توۡن آهيۡن،
ٻُجهيۡ مونۡ کيۡ نَه ٻَانَهنِ جيۡ، مَٿَانۡ توۡ جھَڙوۡ ڪوۡ سَايوۡ.
گهُرَانۡ توۡکَانۡ گهَڻونۡ ڇَا ڇَا، تُونۡ ئِيۡ سَڀُ ڪُجهُه پُڄَائِيۡنۡ ٿو،
پِنَنِ توۡکَانۡ سَويۡن سَائِلَ، ٻَڌيۡ ٻَانهُونۡ ۽ ٻَاڏايوۡ.

 

غَزَلَ نَمبَرُ 21

” فَيۡصَلوۡ“

اَڄُ عُقل و عِشقَ جوۡ، ٿِيوۡ محۡفَلۡ ۾ فَيۡصَلوۡ،
سَڀَڪَنۡهِنۡ تيۡ هُونۡدو ظَاهِرُ، هِيۡ دِلِ ۾ فَيۡصَلوۡ.
اللهَ جَا عُشَاقَ سَدَائِيۡن، فِدَا مَٿَسِ،
گهَر ۾ رَهيۡ يَا ٻَاهَرِ، جھَنۡگَلَ ۾ فَيۡصَلوۡ.
حَقَ جَا حَقِيۡقِيۡ طَالِبَ، هَرۡ حَالَ ۾ فِدَا،
مَقۡتُولُ ٿِئو جيۡ ٿِيۡ ويوۡ، قَاتِلَ ۾ فَيۡصَلوۡ.
شُهۡدَاءِ ڪَرۡبَلَا جوۡ، ڏِسُ حَالُ ۽ حَوَالُ،
ڪَهۡڙيءَ طَرَح سَندَنِ، ٿِيوۡ ڪَرۡبَلۡ ۾ فَيۡصَلوۡ.
عَاشِقُ خُدَا جوۡ رَاهِ، خُدَا ۾ مَريۡ بَچيۡ،
هِنَ جيۡ جَهَادَ جوۡ ٿِيوۡ، پَلۡ پَلۡ ۾ فَيۡصَلوۡ.
عَاشِقُ جوۡ اَبۡرُو، چِشۡمۡ و، لَبۡ و ذِقَنَ جوۡ رَهۡيوۡ،
تَنۡهِنۡجوۡ هَميۡشَه هُونۡدوۡ، تَه جَنّجَلَ ۾ فيۡصَلو.
عِلۡم و عَمَلُ ۽ طَاقَت و، حَافِظوۡ هَلۡيوۡ،
ڏِسۡبوۡ تَه ڪُجھۡ نَه آهيۡ، ڪِيۡ سَائِلَ ۾ فَيۡصَلوۡ.
 

غَزَلُ نَمبَرُ 22

”اِظۡهَارُ ڪَرۡ“

تُوۡن اَلَسۡتُ بِرَبُّڪُمۡ، قَالُو بَليٰ اِظۡهَارُ ڪَر،
ڪَرۡ نَه ٻئي ڪَنهِن جِيۡ عِبَادَتۡ، تونۡ سَچو اِقۡرَارُ ڪَرۡ.
مَڃۡ خُدَا کيۡ هِڪُ ڪَريۡ، ۽ شِرۡڪَ کَانۡ ٿِي تُون پري،
مِثۡلِ اُنَ جِيۡ نِدِّ اُنَ جِيۡ، ضِدَّ کَانۡ اِنۡڪَارُ ڪَر.
شِرۡڪَ کيۡ اللهَ چيوۡ قُرۡآنَ، ۾ ظُلۡمِ عَظِيۡمُ،
شِرۡڪَ ۽ بِدۡعَتَ کَانۡ بِلۡڪُلۡ، پَاڻَ کيۡ بيۡزَارُ ڪَرۡ.
ٿِئوۡ اَطِيۡعُوۡ اللهِ وَرَسُولَہ، حُڪُمُ هِيۡ قرۡآنَ ۾،
اُٿُ اِطَاعَتَ کيۡ اُٿِيۡ، پَنۡهِنجيۡ هِيئينۡ جوۡ هَارُ ڪَرۡ.
ٻِيَا مِڙَئيۡ حَاڪِمَ ڇَڏيۡ، اللهَ جوۡ مَحۡڪُومُ ٿِيۡ،
حَق جيۡ حُڪُمَن پُٺيَانۡ، پَنۡهِنۡجوۡ سَڄوۡ ڪَمُ ڪَارِ ڪَرۡ.
رَبَّ هِڪَ جِيۡ ذآتِ آهيۡ، بيمِثلِ ۽ بيۡ نِيَازُ،
مَاسِوَاللهِ ٻِئَا مِڙَئِيۡ، مَعَبُودَ توۡنۡ بيۡڪَارَ ڪَرۡ.
جِيئَنۡ رَسُولِؐ اللهِ تَانۡ، اَصۡحَابَ سَڀَئِيۡ هُوَا فِدَا،
تِيئَنۡ اُٿِيۡ تُونۡ دِيۡنَ خَاطَرِ، جَانِ تَنُ تَيَّارُ ڪَرۡ.
عُمۡرِ غَفۡلَتَ ۾ کَتِيۡ تُنۡهِنۡجِيۡ، سَڄَا سَتَهَٺِ سَالَ،
هَاڻِ بَاقِيۡ وَقۡتُ پَنۡهِنۡجوۡ، پَاڻَ کيۡ هشۡيَارُ ڪَرۡ.
وَقۡتُ بَاقِيۡ زِندَگِيءَ جوۡ، قوۡمَ جِيۡ خِدۡمَتَ ڪَريۡ،
پَاڻَ ڀِيۡ بيۡدَارُ ٿِيۡ، ۽ قوۡمَ کيۡ بيۡدَار ڪَرۡ.
ڪَرۡ اُٿِيۡ تَبۡلِيۡغَ تُونۡ، توۡحِيۡدَ ۽ تَهۡلِيۡلَ جِيۡ،
مُلۡڪَ ۾ ظَاهِرُ اُٿِيۡ اَللهَ، جَا اِسۡرَارَ ڪَرۡ.
هُجُ سَچوۡ سَرۡڪَارِ جوۡ، سَائِلُ سَدَاءِ صُبۡح و شَامَ،
چَؤ ته موۡليٰ موۡتُ مُنهِنۡجوۡ، تُونۡ مَعَ الۡاَبۡرارَ ڪَرۡ.
 

غَزَلُ نَمبَرُ 23

”مُسۡلِمَانوۡ“

خُدَا خَاطِر ڪَڍِيۡ دِلِ مَانۡ، خُصُومَتَ ايۡ مُسۡلِمَانوۡ،
وَرِيۡ قَائِمُ ڪَرۡئوۡ حَق جِيۡ، حُڪُومَتَ ايۡ مُسۡلِمَانوۡ.
ڏِسوۡ پَنۡهِنۡجَا سَلَفَ صَالِحَ، هُوَا ڪِئَنۡ نيۡڪَ جَگَرَ يَڪۡ دِلِ،
نَه  هوۡ ڪوۡ قَلۡبَ ۾ ڪِيۡنونۡ، قدُوۡرَتَ ايۡ مُسۡلِمَانوۡ.
اَطِيۡعوُ اللهَ و رَسُولَہ، جَا تَابِعَ مُطِيۡعَ هُوَا سَڀِ،
نَه ڊيۡڄَارِئوۡ ڪِڻَن گَرَمِيءَ، بَروۡدَتِ ايۡ مُسۡلِمَانوۡ.
نَبِيءَؐ جِيۡ اُسۡوَهِ حَسۡنَہ، جِيۡ پُورِيۡ پَاسِبَانِيۡ هُئيۡ،
هُئِيۡ اُن جِيۡ سَچيۡ سِيۡرَتَ ۽ صُورَتَ ايۡ مُسۡلِمَانوۡ.
حَيَاتِيۡ بيۡ بَقَا هِنَ کَانۡ، حَيَاتِيۡ جَاوِدَانِيۡ وَڌِ،
فَدَا پِيۡرِيۡ جَوَانِي هُئِيۡ، بُلوۡغَتَ ايۡ مُسۡلِمَانوۡ.
دُنۡيَا جيۡ زُهۡدَ کَانۡ زَاهِدَ، مُجَاهِدَ فِيۡ سَبِيۡلِ اللهِ،
هُيَنِ ٻِيۡ ڪَانَه ڪَا ڪَا ئِيۡ، غُرُورَتَ ايۡ مُسۡلِمَانوۡ.
سَچَا اَللهَ جَا عَابِدَ، رَسُولِؐ اللهِ جَا عَاشِقَ،
نَڪَا مِنَّتَ مَڃِيئوُنۡ ڪَنهِن جِيۡ، نَه مُورَتَ ايۡ مُسۡلِمَانوۡ.
خُدَا هِڪۡڙيۡ جيۡ هيۡڪِڙائيۡءَ، جَا پُورَا پُورَا هُئَا قَائِلَ،
نَه هُئِيۡ مُشۡرِڪَ ڪُفَارَنِ سَانۡ، شَمُولَتَ ايۡ مُسۡلِمَانوۡ.
ڪلمَة الله جي خَاطر سَڀَئي گڏُ ٿيا هتي آهيون،
نَمُونۡ اُنَ هِڪَ اَڳِيَانۡ ٻِيۡ، لَئِه نَه نِوِڙَتِ ايۡ مُسۡلِمَانوۡ.
اَمَانَتَ ۽ دَيَانَتَ سَانۡ، شُجَاعِتَ ۽ عَدَالَتَ سَانۡ،
سَخَاوَتَ سَانۡ ڪَرۡيُونۡ، سَڀَ هَنۡڌِ حُڪُومَتَ ايۡ مُسۡلِمَانوۡ.
رَهُونۡ دُنۡيَا ۾ اُلۡفَتَ سَانۡ، مُحبَّتَ سَانۡ مَرۡوَّتَ سَانۡ،
عَدَاَوَتَ جِيۡ وَڃيۡ نِڪۡرِيۡ، عُفُونَتَ ايۡ مُسۡلِمَانوۡ.
نَه ڪَنۡهِنۡ جوۡ ڪَنۡهِنۡ سانۡ ڪِينُو هُئيۡ، نَه ڪُلۡفَتَ هُئيۡ نَه ڪَاوَڙَ هُئيۡ،
نَه ڪَا ڪَنۡهِنۡ جِيۡ هُجيۡ شَامَتَ نَه، شوۡمَتَ ايۡ مُسۡلِمَانوۡ.
صُلۡحَ ۽ سَانتِ حِڪۡمَتَ عِلۡمَ، سَانۡ سَڀُ ڪُجھُ مِليۡ ويۡندوۡ،
بَغَاوَتَ بُغضَ سَانۡ وِيۡندِيۡ، ثَرۡوَّتَ ايۡ مُسۡلِمَانوۡ.
رهيۡ آرَامَ عِزَّتَ سَاڻۡ سَڀُڪوۡ، جاءِ پَنۡهِنۡجِيءَ تيۡ،
ڪَريۡ سَڀۡ ڪَنهِنۡ جِيۡ پَرَوَرُ پَاڻَ، پُورَتِ ايۡ مُسۡلِمَانوۡ.
هَليۡ حَقَ جِيۡ حُڪُومَتَ ۾، گَدَا ۽ شَاهُ هِڪَ جھَڙوۡ،
ٿِيئيۡ سَائِلَ سَانۡ سَڀَڪَائيۡ، سَهُولَتَ ايۡ مُسۡلِمَانوۡ.


 

غَزَلُ نَمبَرُ24

”غَافِلُ ڪِٿيۡ“

ايۡ مُسۡلِمَانۡ پِئوۡ گهُمِيۡن غَافِلُ ڪِٿيۡ، تُنۡهِنۡجيۡ پَهۡرِئيۡن دوۡرَ جِيۡ هَلُ چَلُ ڪِٿيۡ؟
تُونۡ خُدَا جوۡ خَاصَ بَندو مُسلِمَانۡ، تَنهِنۡ مُسۡلِمَانِيۡ کيۡ ڪيئه زَائِلۡ ڪِٿي؟
تُونۡ خُدَ اجوۡ هُئينۡ سِپَاهِيۡ بِيۡ طَمَعۡ، رِءَ رَضَا ڪَا شِيءِ نَه هُئِيۡ گهُرۡبَلَ ڪِٿي؟
مَالُ سِرُ تنهنجوۡ خُدَا ئِيۡ وَقُفۡ هوۡ، گَرۡچهِ ٿئين مَقۡتُولُ يَا قَاتِلُ ڪِٿي؟
تُنۡهِنۡجِيۡ اَکهِ الله سَانۡ هُئِيۡ آشِنَا، تُنۡهنجيۡ دِلِ ٻيۡ سَانۡ نَه هُئيۡ ڦَاٿلۡ ڪِٿي؟
تُنۡهِنۡجَا هَٿَ هئا ڪَمُ ڪَندَا الله لاءِ، غَيۡرَ سَانۡ توۡنۡ ڪوۡ نَه هُئينۡ شَامِلُ ڪِٿي؟
دِلِ سَنۡدِيئهِ صَابِرَ ۽ شَاڪِرَ هُئيۡ سَدَا، جَنۡهِنۡ اُهيۡ صَدۡمَا سَٺَا سَا دِل ڪِٿي؟
تُنۡهِنۡجَا سَڀِ ڪَمَ هُئا خُدَا جيۡ واسِطِيۡ، اَڄُ خَبَر نَاهيۡ، آهِيۡن غَافِلُ ڪِٿي؟
تُنۡهِنۡجِيۡ دَهَشَتَ دُشمَنَن تيۡ سَخۡتَ هُئيۡ، ٿيۡ ڊِنُو خَاقَانِ ڪِٿي هَرۡ قَلُ ڪِٿي؟
توۡنۡ گُلِ اِسۡلَامَ جوۡ هُئينۡ پَاسِبَانۡ، اَڄُ گهُمِيۡن غَافِلُ ڇَڏيۡ سوۡ گُلُ ڪِٿي؟
پَڙهَڻ پَاڙهَڻ لَئِه هُئينۡ مُشۡتَاقُ تُونۡ، اَڄُ چَوَائِينۡ ڄَٽُ ڪِٿيۡ جَاهِلُ ڪِٿي؟
توۡتيۡ رَبَ جوُنۡ رَحۡمَتُونۡ نَازلُ هُيونۡ، اَڄُ ٿئين ٿوۡ پَاڻُ توۡن نَازِلُ ڪِٿي؟
توۡ هَٿَانۡ قوۡمُونۡ سَڀَئِيۡ بيۡدَارُ ٿِيُونۡ، اَڄُ رَهِيۡنۡ بيۡڪَارُ تُونۡ ڪَاهِلُ ڪِٿي؟
تُونۡ فَقَطِ اللهَ جوۡ پينَارُ هَئينۡ، اَڄُ ڦِريۡن دَرۡ دَرۡ سُڃَانۡ سَائِلۡ ڪِٿي؟

 

غَزَلُ نَمبَرُ 25

”مَنۡزَلۡ بِه ٿِيۡ“

رَهَ بِه ٿِيۡ رَهَ رُو بِه ٿِيۡ، رَهَبرُ بِه ٿِيۡ مَنۡزِلۡ بِه ٿِيۡ،
رَاهَ ۾ رَحۡمَانَ جيۡ مَهۡتَاب، ٿِيۡ مَشۡعَلۡ بِه ٿِيۡ.
ڪَلۡمَتُه اللهِ کيۡ بُلَنۡدُ ڪَرۡ، شَانُ تنۡهِنۡجوۡ ٿئيۡ مَٿيۡ،
دِيۡنَ جِيۡ خَاطِر لَڙيۡ، دَهَشَتَ بِه ٿِيۡ دَنگَلۡ بِه ٿِيۡ.
دِيۡن کيۡ دَائِمُ رَکِيۡ قَائِمُ، سَدَا رَهُ دِيۡنَ تيۡ،
دُشۡمَنَانِ دِيۡنَ لَئِه، تَلۡوَار ٿِيۡ رَئِفَل بِه ٿِيۡ.
جَاهَدُو فِيۡ اللهِ ۾ ڪوۡشَش، ڪَريۡ ڪَرۡ جَانۡ نِثَارُ،
وَاٽَ حَقَ جيۡ ۾ هَلِيۡ مَقۡتُولُ، ٿِيۡ مَقۡتَلۡ بِه ٿِيۡ.
رَاهَ رَبَ جي ۾ مَريۡ، سوۡ ٿِئوۡ هَميۡشَه لَئِه حَيَاتُ،
هِنَ حَيَاتيۡءَ جَاوِدَانِيۡءَ، لٰئِه جَزۡبَئهِ دِلِ بِه ٿيۡ.
غَيۡر سَانۡ غَيۡرَتَ ڇَڏيۡ، بيۡڪَارُ بنۡجِيۡ ڪِيۡنَ ويۡههُ،
شُغۡلَ ۾ اللهَ جي مَشۡغُولُ، ٿِيۡ مَشَغَلۡ بِه ٿِيۡ.
قَلۡبَ مَانۡ ڪِيۡنوُ ڪَڍِيۡ، سِيۡنو صَدَاقَتَ سَاڻَ ڀَرۡ،
ريۡلَ رَاءفَتَ لَاءِ تُونۡ، ٽاوَرُ بِه ٿِيۡ سِگۡنَلۡ بِه ٿِيۡ.
ذِۡڪۡرَ ذاتِيءَ ۽ صِفَاتِيۡءَ سَانۡ، اَنۡدَرُ پَنۡهِنۡجوۡ اُجَارۡ،
سَڀۡ نَجَاسَتَ کَانۡ بَچِيۡ، اَحۡسَنُ بِه ٿِيۡ اَجۡمَلۡ بِه ٿِيۡ.
قوۡمَ جوۡ حَامِيۡ بِه ٿِيۡ ۽، قوۡمَ جِيۡ خِدۡمَتَ بِه ڪَرۡ،
قوۡمَ جوۡ حَمَّالَ ٿِيۡ ۽ قوۡمَ جِيۡ مَحۡمَلَ بِه ٿِيۡ.
قوۡمَ جيۡ ڪَنجّڪ وَٺِيۡ هَلُ، قوۡم جوۡ ٿِيۡ پَاسِبَانۡ،
قوۡمَ کيۡ مُڪَّمَلۡ ڪَريۡ، ڪَامِلُ بِه ٿِيۡ مُڪّمَلُ بِه ٿِيۡ.
قوۡمَ لَئِه مَجۡرُوحَ ٿِيۡ ۽ قوۡمَ جوۡ جرَّاحُ ٿِيۡ،
قوۡمَ جيۡ خَاطَرۡ سَدَا، بيۡتَابُ ٿِيۡ بِسۡمِلۡ بِه ٿِيۡ.
قوۡمَ جيۡ خِدۡمَتَ ڪَرَڻَ سَانۡ، پَاڻَ کيۡ مَخۡدوۡمُ ڪَرۡ،
قوۡمَ جيۡ خَاطِر دَوَا دَارُو، بِه ٿِيۡ دَرۡمَلۡ بِه ٿِيۡ.
قوۡمَ جوۡ پِيۡنَارُ ٿِيۡ پَرَوَرُ بِه، ٿِيۡ مُعۡطِيۡ بِه ٿِيۡ.
دَرَ مَٿيۡ اللهَ جيۡ مَسۡئُولُ، ٿِيۡ اَسۡئَلَ بِه ٿِيۡ.

 

غَزَلُ نَمبَرُ 26

”اِنۡتِهَا هَاڻيۡ“

زَمَانيۡ ۾ ظُلۡمَ بيداَد، جِيۡ ٿِيۡ اِنۡتِهَا هَاڻيۡ،
تشَدُّدُ جَبُرَ اِسۡتِبدَادُ، آهيۡ جَا بَجَا هَاڻيۡ.
رِيا رُشۡوَتَ رَسَائِيۡ، ۽ سُفَارَشِ رَاڄَ ۾ رَائِجُ،
نَه ڪوۡ اِنۡصَافُ ڪوۡرَٽِ ۾، نَه قَاضِنِ ۾ قَضا هَاڻيۡ.
مَزَا مَاڻِيۡنِ ڪَاموۡرَا پَگهَارنِ، مَانۡ ۽ رُشۡوَتَ مَانۡ،
حُڪُومَتَ هِنَ ۾ رَاشِئينِ، لَئه نَه آهيۡ ڪَا سَزَا هَاڻيۡ.
ڪَريۡ وَعۡدَا وَٺِيۡ وَيا ووۡٽَ، مِمّبَرَ ۽ مِنۡسِٽَرَ ٿِيا،
مَگَرِ آخَرِ نَه ڪِياءٌ قوۡمَ سَانۡ، وَعۡدا وَفَا هَاڻيۡ.
مِڙَئِيۡ مِمّبَرَ مِنۡسِٽَرَ بَلَڪ، اِسۡپيۡڪَرَ گَورۡنَرَ سَڀ،
ڏِسَنِ ٿَا فَائِدَا پَنهنجَا ننڍَا، توۡڻيۡ وَڏَا هَاڻيۡ.
رَعِيتَ پَئِيۡ رُليۡ هَاڻيۡ، اُگهَاڙيۡ حالِ اَبۡتَرۡ ٿِيۡ،
مِليۡ ڪَپۡڙوۡ، نَه کَنۡڊُ، ڳُڙ، گِههُ، نَه ڪيۡ اِسۡبَابَ ٻِيَا هَاڻيۡ.
غَريۡبَن لَاءِ غُرۡبَتَ ۾ نَڪوۡ، رَهَرُو نَڪوۡ رَهَبَرُ،
ٿِيوۡ هِنَ مُلۡڪَ ۾ مِسۡڪِيۡنُ، آهيۡ مُبۡتِلَا هَاڻيۡ.
حُرنِ کَانۡ ڪَانگِريۡسِن ڪَئيۡ، زَبرۡدَسۡتِيۡ زِيَادَهَ تَرۡ،
ٿِيَا حُرَ قَيۡدِ لوۡڙَهَنِ ۾، هُو پِئَا مَاڻِنِ مَزَا هَاڻيۡ.
جَڏَهٍ ڌارينۡ حُڪُومَتَ هُئيۡ تَڏَهٍ هوۡ ڏوۡهُ ڌارِيَن جوۡ،
مِلَنِ پَنۡهِنۡجِيۡ حُڪُومَتَ ۾، زِيَادَهَ موۡچِڙا هَاڻيۡ.
اَسَانۡ جوۡ ڏَوهُ هِيۡ آهيۡ پِنُونۡ ٿَا ڪِيۡنَ پَروَرَ کَانۡ،
گهُرُونۡ تَنۡ کَانۡ وَڃيوۡ جيۡڪيۡ، اَسَانۡ جھَڙا گَدَا هَاڻيۡ.
نَبِيۡءَ ؐ جيۡ اُسۡوَهِ حَسۡنَه کَانۡ، گهَڻونۡ پَاسيۡ پِئَا آهِيُونۡ،
ڪَنۡهِيۡنۡ ڪَمَ ۾ نَه آهيۡ ڪَا، اُنِهيءَ جِيۡ اِقۡتِدَا هَاڻيۡ.
حَقِيۡقيۡ حُڪُمَ کَانۡ پَاسيۡ ڊِڄُونۡ، دُنۡيَا جِيۡ حَاڪِمَ کَانۡ،
ڇَڏيۡ الله اَڪۡبَرَ کيۡ گهُمُونۡ دَرَ مَاسِوَا هَاڻيۡ.
اَڳيۡ تَڪۡلِيۡفَ ٿِينۡدِيۡ هُئِيۡ، تَه ٿِينۡدوۡ خوۡفُ هوۡ دِلِ ۾،
مَگَر هِنَ سَخۡتُ مُشڪِلَ ۾، نَه آهيۡ ڪَا دُعَا هَاڻيۡ.
زِيَادَه ظُلۡمَ اِسۡتِبۡدَادَ جِيۡ، ٿِيۡ اِنۡتِهَا اَڄُ يَا،
ڪَمَالِ نَظۡمِ هَسۡتِيءَ جِيۡ، ٿِيۡ آهيۡ اِبۡتَدَا هَاڻيۡ.
سَڄوۡ مَعۡلُومُ موۡليٰ کيۡ، ٿِيُوۡ اَجۡوَالُ ٻَانَهِنَ جوۡ،
مَگَرۡ تَڏَهِيۡن بِه سَائِيۡنۡ کيۡ، ڪِجيۡ ڪَا اِلۡتِجَا هَاڻيۡ.
مِثۡلِ دَجَّالَ اَنُ پَاڻِيۡ، حُڪُومَتَ هَٿِ ڪَيَا آهِن،
سَنۡدَسِ تَابِعَ پِيئَنۡ کَائِنۡ، مَچيۡ وَئيۡ ڪَرۡ بَلَا هَاڻيۡ.
اِلٰهِيۡ هَاڻِ هِنۡدُسِتَانِ کيۡ، آزاد ڪَر موۡليٰ،
اَسَانۡ تَانۡ ٽآرِ ڪُفۡرِسۡتَان، جِيۡ بُڇۡڙِيۡ بَلَا هَاڻيۡ.
سَدَا سَائِلَ جوۡ تُنۡهِنۡجيۡ دَرۡ، اِلٰهِيۡ عَرَض آهيۡ هِيۡ،
ٿِيئيۡ هيۡ مُلۡڪَ تَانۡ آسَانِ، مُشڪُلۡ يَاخُدَا هَاڻيۡ.

 

غَزَلُ نَمبَرُ 27

”صَافُ دِلِيۡ“

ڪَڍِيۡ ڇَڏِ قَلۡبَ، مَانۡ ڪُلۡفَتَ ۽ ڪِيۡنُونۡ،
صَدَاقتَ سَانۡ صَفَا، رَک صَافُ سِيۡنُون.
هُشِيَاريءَ سَاڻُ هَلُ، راهِ هُدَا تيۡ،
پُٺِيَانۡ دُشمَنۡ اَٿَئيۡ، ڪَافَر ڪَمِيۡنُونۡ.
ڪَڍِيۡ ڇَڏِ دِلِ مَنۡجهَانۡ، دَلۡبَا دَغَائُونۡ،
اَنۡدَرَ مَانۡ ٻَهَرِ ڪَرۡ، دَٻِئيل دَفِيۡنُون.
وِجھيۡ ٿوۡ وِسۡوَسَا، اهۡڙا اَنۡدَرَ ۾،
وَهَائِيۡن ڇوۡ پِئيو، پَنۡهِنۡجوۡ پَسِيۡنُونۡ.
نَه وَٺِجَانۡ راءِ اُنَ جِيۡ، عَقُلَ ڌارَانۡ،
مَتَانۡ پَڇۡتَائِيۡنۡ، ٿِيۡنۡ دِلِ حَزِيۡنُونۡ.
وِجھِيۡ دلِ ۾ اُهو، وَعۡدو فَقَرَ جوۡ،
کَپَائِيۡندِيۡن کَپيۡ، ويۡندُءِ خَزِيۡنُونۡ.
اَچَئِيۡ تَڪۡلِيۡفَ گهُرُ، اِمۡدَادَ رَبَ کَانۡ،
پَڙهيۡ ڏِسُ حُڪُمُ، حَقۡ جوۡ وَسۡتَعِيۡنُونۡ.
سَڏۡجِ اُنَ کيۡ جوۡ سَائِلَ، جَا سُڻيۡ سَڏَ،
تَه ڏيۡکَارَ ئِيۡ وَريۡ، مَڪّو مَدِيۡنُونۡ.

 

غَزَلُ نَمبَرُ 28

”صافُ دِلِيۡ“

ڪَڍِيۡ قَلۡبَ مَانۡ، ڇَڏِ قَسَاوَتَ ۽ ڪِيۡنُونۡ،
صَفَا ڪَرۡ سَدَاءِ صَدَاقَتَ، سَانۡ سِيۡنُونۡ.
هُشۡيَارِيءَ سَانۡ هَلۡجَانۡ، رَکِيۡ پيۡرَ پُخۡتَا،
مَتَانۡ توۡکيۡ تِرۡڪَائي، ڪَافَرُ ڪَمِيۡنُونۡ.
مَتَانۡ تُونۡ مَڃِيۡنۡ، اُنَ جوۡ وَعۡدوۡ فَقَرَ جوۡ،
چَويۡ پِئوۡ تَه ڪَرۡ ڪوۡ، دَفَنُ تُونۡ دَفِيۡنُونۡ.
نَه ٻُڌُ ڳَالِهه اُنَ جِيۡ سَخَا، ڪَرۡ سَخِيۡ ٿِيۡ،
تَه کُٽَنۡدوۡ نَه توۡ وَٽِ، خُدَا جوۡ خَزِيۡنوُنۡ.
مَدَدَ گهُرُ صَبُرُ ڪَرۡ، سَدَا پَڙههُ نِمَازُونۡ،
پَڙهِيۡ حُڪُمۡ اَلله جوۡ، وَتَسۡتَعِيۡنُونۡ.
ڪَنۡديۡن اِسۡتَقَامَتَ، مَٿيۡ حُڪُمۡ جِيۡ،
تَه ٿِيۡنۡديۡن نَه غَمگِيۡنُ، ۽ دِلِ حَزِيۡنُونۡ.
سَڏۡجِ اُن کيۡ سَائِلَ، جوۡ آهيۡ سَمِيۡعُ،
جَنۡهِيۡن توۡ کيۡ ڏيکَارِئوۡ، مَڪّو مَدِيۡنُونۡ.

 

غَزَلُ نَمبَرُ 29

”تَلۡقِيۡنِ عِلۡمَ“

اُٿوۡ اِيۡ نوجَوَانوۡ! ائينۡ، پَکِيۡڙِيوۡ عِلۡم گهَر گهَر ۾،
ڏِئڻ تعۡلِيۡم جيۡ خَاطَرۡ، وَڃوۡ اَئين ڪوۡهَ بَرَ ٿَر ۾.
اَسَانۡ جيۡ بيۡ عِلۡمَ آهِيُونۡ، تَه وَڌِ حَيۡوَانَ کَانۡ نَاهِيُونۡ،
تَفَاوَتُ تِرَ نَه هِڪِڙيۡ جوۡ، اَسَانۡ ۾ ۽ خَچَرَ خَرَ ۾.
بِنَانۡ تَعۡلِيۡمَ ۽ وَاپَارَ هيءَ، حَالَتۡ بَنِيۡ آهيۡ،
رَسۡيَاسُونۡ پَسۡتِ حَالِيءَ کيۡ، ڌَڪَا کَاؤُنۡ پِئَا دَر دَر ۾.
عِلۡمَ ڌرَانۡ سُڃَاڻيۡ ڪِيۡن ٿوۡ، اِنۡسَانُ رَبُ پَنۡهِنۡجوۡ،
عِلۡمَ سَانۡ ئِيۡ عَمَلُ ٿييۡ ٿوۡ، هَوَا ۾ ۽ بَحَرَ بَر ۾.
طَيَارَا تَارَ بَرۡقِيۡ رِۡيلِوَايُونۡ، ريۡڊِيَا فوۡنَا،
اِهوۡ سَڀۡ عِلۡمَ جوۡ جوۡهَرُ، ڏِسوۡ ٿَا جَنۡهِنۡ کيۡ جَهنگه جَرَ ۾.
عِلۡمُ اِنۡسَانَ جوۡ اوۡجَرُ سَعَادَتَ، دِيۡنَ دُنۡيَا جيۡ،
ٿِيئيۡ جِيئَنۡ زيۡوَرَن جيۡ لَاءِ، اوۡجَرُ دَسۡتِ زَرۡگَرَ ۾.
عِبَادَتَ خَلۡقَ جيۡ خِدۡمَتَ، بِنَانۡ آهيۡ نَڪَا ڪَافِيۡ،
ڪَريۡ اَڄُ عِلۡمَ جِيۡ خِدۡمَتَ، وَڌَايوُنۡ نيڪيۡ بَرۡ تَرۡ ۾.
خُدَا جيۡ مَدَدَ ۽ توۡفِيۡقَ، سَانۡ هِمَّتَ ڪَريۡ پنۡهِنۡجِيۡ،
پَکيۡڙِيُونۡ عِلۡمَ کيۡ پُورِيۡءَ ، طَرَح سَانۡ نَارِ ۽ نَرَ ۾.
ڏِسوۡ بيۡ عِلۡمَ ۾ ۽ عِلۡمَ وَارِيۡ، ۾ فَرَقُ اَهۡڙوۡ،
رَکِيۡلُ آهيۡ تَفَاوَتُ شَانَ، جوۡ جِيئنۡ اَسۡپِ و خَچَرَ ۾.
ٻِيُونۡ قوۡمُونۡ اَسَانۡ کانۡ ڇوۡ، وَڌِيُونۡ آهِنِ تَرَقِي ڏيۡ،
اُهيۡ اَٺَئِيۡ پَهَرَ آهِنِ، عِلۡمَ جيۡ چَاهَ چُرۡ پُرۡ ۾.
عِلۡمُ اَدۡنيٰ کيۡ پَنۡهِنۡجيۡ زوۡرَ، سَانۡ اَعۡليٰ بَنَائيۡ ٿوۡ،
عِلۡمُ جوۡئِيۡ تَفَاوَتُ آهيۡ، رَعۡيَتَ ۾ گَوَرۡنَر ۾.
ڪَريۡ هِمَّتَ سَدَا سَائِلَ، رَهُونۡ اللهَ اڪۡبَر جَا،
رَکُونۡ سَڀۡ آسۡرا اُمِّيۡدَ، پَنۡهِنۡجيۡ پَاڪَ پَروَرَ ۾.

نئون صفحو --  ڪتاب جو ٽائيٽل صفحو
ٻيا صفحا 1 2 3 4 5 6 7 8 9 10 11 12 13
هوم پيج - - لائبريري ڪئٽلاگ