غزل نمبر 11

توۡحِيۡدَ بَاريۡ تَعَاليٰ!

حسۡبِيۡ رَبّيۡ جَلَّ اللهِ، شَافِيۡ ڪَافِيۡ حَقُّ اللهِ!!
مَافِيۡ قَلۡبِيۡ غَيۡرُاللهِ، مِير مُحمَّدُؐ صَلَّ اللهِ،

 

لَا اِلٰہَ اِلّا اللهُ، لَا اِلٰہَ اِلّا اللهُ.

قَائِمُ، دَائِمُ، رَبُّ، شَڪُورُ، جَابِرُ، جَامِعُ، نَافِعۡ، نُورُ،
هَادِيۡ، مَهَدِيۡ، حَّقُ، صَبُورُ، اَڪۡبَرَ، اَعۡليٰ عَالِيۡجَاهُ،

 

لَا اِلٰہَ اِلّا اللهُ، لَا اِلٰہَ اِلّا اللهُ.

وَاجِدُ، مَاجِدُ، حَاڪِمُ، حَيُّ، سَامِعُ، قَامِعُ، جَلُّ، غَنِيُّ!!
وَارثُ، واَلَا شَانَ وَلِيُّ، شَاهِدُ غَائِبُ بيۡ پَرۡواهُ،

 

لَا اِلٰہَ اِلّا اللهُ، لَا اِلٰہَ اِلّا اللهُ.

رافِعُ، دافِعُ، بَرُّ، رَحِيۡمُ، صَاحِبُ، صَمَدُ، سَمِيۡعُ، عَلِيۡمُ!!
غَافِرُ، سَاتِرُ، رَبُّ، ڪَرِيۡمُ، سَارِيۡ جَڳَ جو شَاهِنۡشَاهۡ،

 

لَا اِلٰہَ اِلّا اللهُ، لَا اِلٰہَ اِلّا اللهُ.

اُنجا ڪَرَمَ وَڏَا اَحسانَ، جِنۡهِنجو نَاهيۡ حَدَ اِمۡڪان!!
هِڪُ اِنَعَامُ سَندۡسِ قُرآن، آندُو جيڪو مَدَنيۡ مَاهَ،

 

لَا اِلٰہَ اِلّا اللهُ، لَا اِلٰہَ اِلّا اللهُ.

هِنَ جھَڙو نَه ڪِتابُ ٻِئو، ۽ هَهِڙو ني ڪوۡ نَبيُّؐ ٿِئو!!
قَادِرَ اَهڙو ڪَرَمۡ ڪِئو، جو اُنجو ڪوئِيۡ ڇيۡہُ نه آهِ،

 

لَا اِلٰہَ اِلّا اللهُ، لَا اِلٰہَ اِلّا اللهُ.

اُمَّتَ جو آڌارُ نبيؐ، سَڀِني جو سَرۡدارۡ نَبِيۡؐ!!
مِڙِنيۡ جو مَهَنۡدارُ نَبِيۡؐ، شَافِعُ، نَافِعُ، جَائيۡ پَنَاهَ،

 

لَا اِلٰہَ اِلّا اللهُ، لَا اِلٰہَ اِلّا اللهُ.

سَائِلَ سَائِينۡ کيۡ ڪَر سُوال، مُنۡهِنجو مِڙَئِيۡ مَالۡ و مَنَال،
عِزَّتَ دوۡلَتَ آل و عَيَال، صَدۡقوۡ ٿئي شَلَ سَاهۡ پَسَاهُ،

 

لَا اِلٰہَ اِلّا اللهُ، لَا اِلٰہَ اِلّا اللهُ.

غزل نمبر 12

اِلۡتِجَا بَدَرِگَاهِ بَارِيۡ تَعَاليٰ

گُناهَنِ ۾ گِرِفِتارَنِ کيۡ، تُون مَغۡفُورُ ڪَرِ موۡليٰ!!
سَتُر پنهنجيۡ سَانۡ سَڀِنِيۡ کيۡ، سَدَا مَسۡتُورُ ڪَر موليٰ،
عِجۡزُ ۽ عاجِزِيۡ آزِيۡ، هَمِيۡشه تُنۡهِنۡجيۡ اڳيَانۡ هُئيۡ!!
ٻِئنِ جِيۡ پيۡشِ يَا جَابِرَ، نَه تُوۡن مَجۡبُورُ ڪَرِ موۡليٰ،
گُناهَنِ ۾ گَڏِئَل آهِيۡون، عَمَل صَالِحُ نَه آهيۡ ڪو!!
مَگَرِ پَنۡهنۡجِي عِنَايَتَ سَانۡ چَڱيۡ، دَسۡتُورِ ڪَرِ موۡليٰ،
هُجُوۡن طَابعَ سَنۡدَءِ  هَرۡدَمُ، ڪَريُوۡن توۡبَههَ مَرَڻ کان اَڳُ!!
خَطَائُنِ جِي سَبَبِ خَاوَنۡدَ، نَه تُوۡن مَقهُورُ ڪَرِ موليٰ،ـ
سَوَا تُنهِنۡجي ٻِئو جوۡ غَيۡر، دِلِ ۾ آهِ سوۡ سَڀِ ڪَڍُ!!
مُحَبَّت شوۡقَ پنهنجيۡ ۾، سَدَا مخۡمُورُ ڪَرِ موليٰ،
عِبَادَتَ تُنهِنۡجيۡ ۽ طَاعِتَ، رَسُولِ ؐ اللهِ جِيۡ ڌَاران!!
ٻِئا سَڀِ وَهَم نَفۡسَانِيۡ، اَسَانۡ کَان دُورِ ڪَرِ موليٰ،
شَرَارَت، شِرۡڪُ ۽ ڪِينو، حَسَدُ، بِدۡعَتَ، دَغَا، دَلبو!!
ڪَڍيۡ اَندَرَ مَجھَانۡ ڪَرِ، صَافُ دِلِ پُرۡ نُور ڪَرِ موليٰ،
ڀَلَايُوۡن ڀَالَ هِيۡ تُنهِنۡجا، مُسۡلِمَانِيۡ لَقَبُ ڏِنُئي!!
آهِيُون شَاڪِرَ سَنۡدءِ هَرۡدَمُ، اَڃان مَشۡڪُورُ ڪَر موۡليٰ،
پِريۡشَانِيۡ ڪَري پَاسيۡ، گُنَاهَنِ کَان بَچَائِجِ تُوۡن!!
نَڪيۡ مُجۡرِمۡ نَڪِيۡ مُضَطَرۡ، نَڪِيۡ مَهجُورُ ڪَرِ موۡليٰ،
سَندَءِ ٻَانَهانۡ چَوَايُون ۽ هُجُون پيۡرُومُحَمَّدؐ جا!!
اِنهيءَ اَلۡقَابَ سُهڻي سَانۡ، سَدَا مَشَهُورُ ڪَرِ موۡليٰ،
رَهُوۡن سَائِلَ سَنۡدَءِ خَالِصَ، وَڃُونۡ ڪَنۡهِنۡجيۡ نَه دَرِ ڪَڏِهين!!
اِها توۡ دَرِ دُعَا آهيۡ، سَدَا مَنظُورُ ڪَرِ موۡليٰ،
 

غزل نمبر 13

”اِلۡتِجا بَدَرۡگَاهِ رَبُّ الۡعِزَّتَ“

سَڄيءَ خَلۡقَتَ جو خَلَقَڻهارُ، پَالڻهَارُ تُون آهِين!!
ٻِئيا ڏاتَارَ سَڀِ جُڙتو، سَچو ڏَاتَارُ تُوۡن آهِين،
ڇَڏيۡ دَرُ تُنهِنۡجو ٻِيۡ دَرَ تيۡ، وَڃيۡ جيۡڪو اُهوۡ جَاهِلۡ!!
وِلَهَنِ جو تُوۡن وَلِي وَارِثُ، وَڏو وَاهَارُ تُون آهِين،
رَحَمَ راءَفَتَ جو تُوۡن سَائِينۡ، ڍَڪِيۡن تُوۡن عَيۡبَ سَڀِنِيۡ جَا!!
گُنَهَگَارَنِ جو پَرۡدَهۡ پوۡشُ، ۽ ستّارُ تُونۡ آهِين،
رَحَمَ وَارَنِ مَٿَانۡ تُوۡن رَحَمَ، وَاروۡ آهِيۡن ايۡ رَاحِمَ!!
جَفَا ۽ جَبُرۡ ڪَندَڙَنِ جيۡ، مَٿَانۡ جَبَّارۡ تُونۡ آهِينۡ،
گُنَاهَنِ ۾ گَڏِيلُ جيۡڪوۡ، گهُريۡ توۡکَانۡ عَفُوۡ عَاصِيۡ!!
اُنِهِيءَ جِيۡ لاءِ حُبُ الۡعَفُوُ، بَخۡشَڻهَارُ تُوۡن آهِينۡ،
سَڀَئِيۡ سَائِلَ سَندَءِ دَرَجَا، سَمُوريۡ ڏيهَه جَا ڏَاتَر!!
رُلِيئَنِ جِيۡ لاءِ تُوۡن رَهَبَرُ، اَڙِيۡنِ آڌارُ تُوۡن آهِينۡ،

 

غزل نمبر 14

”وَحَدَهُ لَاشَرِيۡڪَ لَہٗ“

هِڪۡڙوۡ ڄَاتِم توۡکيۡ موۡليٰ، وَحَدَهٗ جَڏَهِيۡن ٻُڌُم!!
شَڪُ نه ٿِيئَم توۡحِيۡدَ ۾، هُو بَهُوۡ جَڏَهِيۡن ٻُڌُم،
تُو بِنا سَڀَ جِيۡ عِبَادَت، اِسۡتَعَانَتَ مُوۡن ڇَڏِيۡ!!
حُڪُمۡ تُنهِنۡجو اَيُّهاَالنّاسُ، اعۡبِدُوۡ جَڏَهِيۡن ٻُڌُمِ،
بُتَ، صَنَمُ، قُبّا، قَبَرَ، حَجَروۡ، شَجَرَ، شَمۡسُ و قَمَر!!
مَا سِوَالله ڇَڏِ صَدَا، هِيۡ ڪُوبَڪُو جڏَهِيۡن ٻُڌُم،
حَقَ جِيۡ هَيۡبَتَ ۽ عَظمَتَ، جوۡ پَتوۡ تَڏَهيۡن پِيُوۡ!!
جوۡ مُحَمَّدۡؐ عَبۡدَه، وَرَسُولَہٗ جَڏَهِيۡن ٻُڌُمِ،
ڪِيئَن رَکَانۡ ٻِيۡ حَالَ سَانۡ، پَنۡهنجيۡ خَلَاصِيۡءَ جِيۡ اُمِيۡدَ!!
بِهۡشِتۡ مِلَنۡدو ڪوۡ نَه، حَتّيٰ تُؤمِنُوۡ جَڏِهِيۡن ٻُڌُم،
ڪِيئَنۡ نَه تُنهنۡجيۡ نَامَ تيۡ، ڏِيۡندا مُسۡلِمَانۡ جَانۡ و مَالَ!!
لَنۡ تَنَالُواالۡبِرّ حَتّيٰ تُنۡفِقُوۡا، جَڏَهِيۡن ٻُڌُم،
گرچه سَائِلَ جَا گهَڻَانۡ، آهِنۡ گُنَهَه بَدۡڪَارِيُوۡن!!
فَضلَ جِيۡ اُمّيد ٿِيۡ، لَا تَقۡنَطُوا جَڏَهِيۡن ٻُڌُم،

 

غَزَل نمبر 15

”تُوۡن آهِيۡن“

خُدَايَا مِڙِن مَخۡلوۡقَنۡ، جوۡ پَالَڻهَارُ تُون آهِيۡن!!
گُنَهَگَارَنِ غَرِيۡبَنِ جو، غَنِيۡ غَفّارۡ تُوۡن آهِيۡن،
اُپَائِينۡ تُوۡن نِپَائِين تُون، سَنۡڀَالِيۡن سَڀَ کِيۡ پَالِينۡ تُونۡ!!
سَندءِ پيۡنَارُ سَاروۡ ڏيۡہُ، ۽ ڏَاتَارۡ تُون آهِيۡن،
اَسَانۡ ٻَانَهَانۡ ۽ تُونۡ سَائِينۡ، اَسَانۡ مُحۡتَاج تُونۡ مَوۡليٰ!!
ڪَرِيۡن جو، ڪُجھۡ گُهِريۡن ٿو تُونۡ، سَدَا مُخۡتِيَارُ تُوۡن آهِيۡن،
اَسَانۡ جَا اَڻ گُهۡريا مَطۡلَب، ڪَرِيۡن ٿو تُونۡ سَويۡن پُورا!!
اَسَانجيۡ حَالَ جوۡ وَاقُفُ ۽ ڄَاڻَڻهَارُ تُونۡ آهِينۡ،
هَميۡشَه حُڪم تُنهِنۡجو ٿو، هَلِيۡ هَرۡ ڪَنهن مَٿَانۡ هَرۡ دَمُ!!
سَدَائِيۡن سَڀ ڪَنۡهِيۡن جَابِرَ، مَٿانۡ جَبّارُ تُوۡن آهِينۡ،
خَطَاؤُنۡ تُوۡن پِيوۡ بَخۡشِيۡن، عَطَاؤُن ٿو ڪَرِيۡن لَکَه لَکَه!!
گُنَهَگَارَن خَطَاڪَارَن جو، بَخۡشَڻهَار تُوۡن آهِينۡ،
اَسَانۡ تُنۡهِنجا سَدَا سَائِلَ، اَسَانۡکِي عِلۡم ڏيۡ آقا!!
اَسَانۡ جيۡ لَاءِ هَرۡ ڪَنهِنۡ حَال، ۾ آڌارُ تُون آهِينۡ،

 

”قِطۡعَه“

اَسَانۡ گَدۡلَا گُناهَنِ ۾، اَسَانۡجا عَيۡبَ ڏِسندَڙ تُون!!
ڍَڪِيۡن پِئو عَيۡب سَڀ سَائِيۡن، سَدَا سَتّارُ تُوۡن آهِينۡ،
ڏِٺَم ڏاتَارَ ۽ جَڳَپَالَ ۽ سَائِينۡ، سَخِيۡ سَهَسيۡن!!
ٻِئا ڏَاتَارَ جُڙتوۡ سَڀ، سَچوۡ ڏَاتَارُ تُون آهيۡن،
اَزۡ قَلَمۡ مُحَمَّد عِيۡسيٰ عاجز هَالائِي،

نئون صفحو --  ڪتاب جو ٽائيٽل صفحو
ٻيا صفحا 1 2 3 4 5 6 7 8 9 10 11 12 13
هوم پيج - - لائبريري ڪئٽلاگ