|
سهڻا لولي...
(13)
چڙهه مين ڪوٺي تي، ڏيندِيئان ٻهاري،
ياران دي وچ رب گهتي نه گهاري -
جاني لولي...
چڙهي جو پيهـِـي تي، چائين لال کانڀاڻي،
روڙا نه مارين، ڌڌڪا ڪري ٻيلياڻـِـي -
دلبر لولي...
چڙهه مين ڏيکان ڪوئي ڪوٽ سـِـلهيندا،
اڃان نهين آيا ميڏا دوست دِليندا -
ڍولڻ لولي...
چڙهيم پيهي تي، ميڏي ڪـِـر پئي ڪهاڙي،
ڪونجان دا ٽولا لنگهيا ويندا ڏهاڙي -
سڄڻ لولي...
کڙي هان جو وڻ تي، ڏيوان ڍولڻ ڪون لولي،
ميڏي سڄڻ دي مٺڙي هي ٻولي -
ڍوليا لولي...
(14)
اوچي جو ماڙي، جنهن ديان سهڻيان هـِـن ڪامان،
ازل دا لکيا، ڪنڌ ڀڳا هي ڪـَـلامان -
سهڻا لولي...
اوچي ته ماڙي، جنهن ڪون نـَـو لک هـِـن ٻاري،
عشق سانول دي ڏتا موت وساري -
جيڏا لولي...
اوچي ته ماڙي، جنهن ڪون ليپا قلعي دا،
اِينوين نه ڄاتـُـئي جيوين ڪک ڳلـِـي دا -
جانب لولي...
اوچي ته ٽالـِـي جنهن دي چوٽي وچ ٻـُـور اي،
ڍولڻ دي شادي، ميڪون وڃڻا ضرور اي -
ڍولڻ لولي...
اوچا ته مـَـنـَـهـُـن، جنهن دا اوچا هي آڏاڻا،
چڙهه چڙهه ڏيکان مـَـنجهـِـين والـِـين دا ڀاڻا -
سانول لولي...
اوچا ته مـَـنـَـهـُـن، جنهن دي لال کانڀاڻي،
روڙا نه مارين، چـِـڀڙ چـُـونڊي ٻيلياڻي -
سائين لولي...
اوچا جو ڇـَـپر، دوست جهاتـِـي جو پاتي،
پـَـئـِـي هان دمين تي، دوست ڏيسـِـي حياتي -
جاني لولي...
ڇـُـڙيان ني ڏاچيان، موهر والي ڪنواٽي،
سهڻا نه آيا، بيٺي ڏيکان مين واٽي -
ڀلو لولي...
ڇڙيان ني ڏاچيان، موهر والي ڪون ڪالو،
مـَـردي جو پئي هان، تنهن ڪون منهن ته ڏيکالو -
ڀلو لولي...
آهريان ني ڳـَـنوان، موهر والي جو نماڻي،
ڀلا انهان ڪيتي، جنهان مٽي وڃ هي ماڻي -
ڀلو لولي...
ڇڙيان ني ڳنوان، گهـِـنڊي ڏيندي جو هوڪي،
جنهان ڪارڻ آيوسي، اُهي لڏ ڳـَـئي ڪالهوڪي -
ڀلو لولي...
آهريان ني ڳـَـنيان، موهر والي ڪون گابـِـي،
دوست دي چولي ڪون رنگ ڏيسان گلابي -
ڀلو لولي...
آهريان ني ڳـَـئـُـين، موهر والي ڪون گابـِـي،
لاهه ڏي بوڇڻ ته ڪر ڏيوانئي گلابي -
ڀلو لولي...
ڇوڙيم جو مـَـنجهيان، ڳـِـڌي ويندا ني ڍورِي،
سهڻا پرديسي، لائي وَيندا جو لورِي -
ڀلو لولي...
ڇڙيان ني ٻڪريان، موهر والي اي لاکي،
صحبت تيڏي جيوين مکڻ تي ماکي -
ڀلو لولي...
آهريان ني ٻڪريان، موهر والي ڪـُـون گهنڊي،
چرديان ني ڪنڊي، پاڻي پينديان ني ڍنڍي -
ڀلو لولي...
آهريان ني ٻڪريان، موهر والي ڪون ڳانـِـي،
سهڻل دي در تي، مين ٿيسان جو ٻانهي -
ڀلو لولي...
آهريان ني ٻڪريان، موهر والي هي بـَـرِي،
سوا تيڏي جاني، مين ويسان جو مـَـري -
ڀلو لولي...
آهريان نـِـي ٻڪريان، موهر والي ڪون هي ليلا، چيٽان دا نـِـکڙيا، ٿيـِـسي
ڪتيان دا ميلا -
ڀلو لولي...
(15)
اُڏريان ني ڪونجان، وڃ لٿيان نـِـي روهڙي،
دلبر دي در تي، ٻهسان مين نـِـوڙي -
الا لولي...
اُڏريان ني ڪونجان، وڃ لٿيان نـِـي روهڙي،
هڪ محب ميڏا، ڏوجهي گـَـلڙان دي جوڙي -
الا لولي...
اُڏريان نـِـي ڪونجان، وڃ لٿيان نـِـي روهڙي،
سوني دي پڃري وچ لالان دي جوڙي -
الا لولي...
اُڏريان نـِـي ڪونجان، وڃ لٿيان نـِـي ٿلهي تي،
ڍول تيڏي نشاني، دل ساڏي ڇلي تي -
الا لولي...
اُڏريان نـِـي ڪونجان، وڃ لٿيان نـِـي حـُـجري،
رات ٻارهان ماهـِـين، ڏينهن ورهيان دا گذري -
الا لولي...
اُڏريان نـِـي ڪونجان، وڃ لٿيان نـِـي ڪوٺي،
دوست ڪريسان اُڀي، لمي دي ڇوٽي،
الا لولي...
اُڏريان نـِـي ڪونجان، وڃ ٻيٺان نـِـي سـَـر تي -
چوڳا چڳيسان ”جيوي جتڻي“ دي در تي -
الا لولي...
اُڏريان نـِـي ڪونجان، وڃ لٿيان نـِـي ڊڀ تي،
تـُـسان هي دل چاتي، اسان رکيا هي رب تي -
الا لولي...
اُڏريان ني ڪونجان، وڃ لٿيان ني ٿر تي،
مين عمر گذاري آ بيقدريان دي در تي -
الا لولي...
اُڏيارن ني ڪونجان، وچ ساوِي جو ڪونج اي،
هڪ سڪ سڄڻ دي، ڏوجهي وطن دي مونجهه اي -
الا لولي...
اُڏريان ني ڪونجان وڃ لٿڙيان ني کيل اي،
جيسلمير دي قيدي، ڇٽي آوندي ني ريل اي -
الا لولي...
اُڏريان ني ڪونجان، وڃ لٿيان نـِـي کوهه تي،
وطن اُنهان دا ڪالا، ميلا جو روهه تي -
الا لولي...
ڪاريان ني ڪونجان، وو ڪرن قطاران،
محب ميڏي ديان ڪرن پچاران -
الا لولي...
اُڏرئي نـِـي طوطي، وڃ ٻيٺي نـِـي وڻ تي،
مدت دي وڇڙي، آئي جندڙي مرڻ تي -
الا لولي...
اُڏرئي ني ڳيري، وڃ ٻيٺي ني ڇانءُ تي،
ڳالهـِـين تـُـساڏيان، چاتي ويسان مين هانءِ تي -
الا لولي...
(17)
گهـُـوڪ نه ڳيرا، تيڏي سرڙي ڪچور دي،
دوستي نه ٽوڙين، چٽي پوسئي ڪلور دي -
وڇڙيا لولي...
گهـُـوڪ نه ڳيرا، تيڏي گجي هي ڪچور دي،
اسان ڪونه لاتئي، تيڪون لڳسي حضور دي -
وڇڙيا لولي...
گهـُـوڪ نه ڳيرا، ميڏا وطن مدينا،
ويسئون اوڏانهين، اي هي مـُـلڪ ڪمينا -
وڇڙيا لولي...
گهـُـوڪ نه ڪبوتر، ٻيٺا هانؤ ڏَليندا،
وڇڙ ڳيا ڍولڻ، اڄ سڀان مليندا -
وڇڙيا لولي...
گهـُـوڪ نه ڳيرا، ٻيٺا هانؤ ڏليندا،
وسريان جو ڳالهيان ٻيٺا ياد ڏوِيندا -
وڇڙيا لولي...
گهـُـوڪ ني ڳيرا، ڪر الله دي بندڪي،
بوتا جو خالي، سو هي سهڻل دا سندڪي -
وڇڙيا لولي...
گـُـهوڪ نه ڳيرا، رک الله دي نان تي،
وسريان جو ڳالهين لـِـکيان کڙيان هن هان تي -
وڇڙيا لولي...
(18)
ڀونڪ نه ڪـُـتي، تيڪون ڪيها گمان اي،
اسان ته پرديسي، ساڏا مـُـلڪ ملتان اي -
وهوا لولي...
ڀونڪ نه ڪـُـتي، تيڪون ٽڪر سٽيسان،
اسر دي ويلي، تيڪون خوب کويسان -
وهوا لولي...
ڀونڪ نه ڪـُـتي، تيڏي ڀؤنڪن سائين،
اسان ويسون لڏي، ناتي ويسون اي جائين -
وهوا لولي...
ڀونڪ نه ڪـُـتي، تيڏي ڳچي ۾ ٽوڙها،
مرني مالڪ، ڪيتي ويندين وڇوڙا -
وهوا لولي...
ڀونڪ نه ڪتا، تيڪون ٽڪر گهتيسان،
اسر دي ويلي، تيڏا ٻوٿ ڪـُـٽيسان -
وهوا لولي...
ڪـُـوڪ نه ڪـُـڪڙان، اڃان وڏڙي جو رات اي،
ڀڄئي جو پڃرا، کنڀ ٻلي دي وات اي -
وهوا لولي...
(19)
در ته تيڏي تي ڪوئي وڻ هي حضوري،
مـُـنجـِـين ها ماڻهو، ڀر ڏيوان ها مزوري -
وهوا لولي...
در ته تيڏي تي ڪوئي ساوي جو ڄال اي،
پٽ دا هي پينگها، وچ سانول دا ٻال اي -
وهوا لولي...
در نـِـي تيڏي تي ڪوئي ڪانگڙ دا ڪانا،
مين تيڏا ته نوڪر تيڏي ذات دا ٻانها -
وهوا لولي...
در ته تيڏي تي ڪوئي وڻ هي ٻٻر يلا،
تـُـسان آپ شهزادي، تيل مارو بـُـونيلا -
وهوا لولي...
در ته تيڏي تي ڪوئي ساوا ڪانڊيرا،
دڙڪي نه ڏيوين، ميڏي قسمت دا ڦيرا -
وهوا لولي...
در ته تيڏي تي، ڪائي ڪالي جو ٻڪري،
سانول ڪـُـون آک، ميڏا حال فقيري -
وهوا لولي...
(20)
چـِـٽڙا جو بوڇڻ، تيڏي مٿي تي ٺـَـهندا،
آپ البيلي، تـَـيڪـُـون لوڪ نه سهندا -
مارو لولي...
چٽڙا جو بوڇڻ، تيڏي مٿي تي ٺهندا،
سيتم هٿان تي، لوڪ مهڻي جو ڏيندا -
مارو لولي...
چٽڙا جو بوڇڻ، ٻيٺـِـي گوڏي تي سيوان،
دعا جو ڪرو، نـُـنهـُـن چاچي دِي ٿيوان -
مارو لولي...
چٽڙا جو بوڇڻ، گل اُليان جو ڦـُـليان،
محبت ديان ڳالهين ساري جڳ وچ هـُـليان -
مارو لولي...
چٽڙا جو بوڇڻ، تنهن ڪـُـون گل ماريومي هيڏون،
دل کسيوئي هڪ، ٻي آڻان مين ڪيڏون -
مارو لولي...
چٿڙا ته بوڇڻ، ڪر کڙي هان مين ويڙهي،
سڙندين ڪـُـون ساڙان، پـُـڇڻ اهو ڪير اي -
مارو لولي...
چٽڙا جو بوڇڻ، تيڪون ڏاڍا جو ٺهندا،
ماءُ پيءُ دا پيارا، تيڪـُـون لوڪ نه سهندا -
مارو لولي...
چٽڙا ته پٽڪا، ور ڏتومي سولهان،
سڄڻ جي آوي، ڳـَـلـِِـي ڳـَـلـِـي ڪر ڳولان -
مارو لولي...
چٽڙا جو چولا، جنهن ڪـُـون چٽڙي زنجيرِي،
اسان پرديسي، پاتي ويسون فقيري -
مارو لولي...
چٽڙي پـَـٽي تي، دن ڪيـِـتـِـي جو دعويٰ،
سهڻل دي شادي، گهن اُٺ ڪجاوا -
مارو لولي...
چٽڙي پـَـٽي تي، هڻ ڏينديني پينگهان،
تـُـسان آوڻ جو ڇوڙيا، اسان ڏتيان جو سينڌان -
مارو لولي...
چٽڙي ته پٽي، کڙ مين ويڙهه وڃايو مي،
ڳول ڳول ٿڪي هان، سـُـڃي سانگ لڏايومي -
مارو لولي...
چٽڙي ته ڪٽوري وچ مڇي دا ٻيرا،
مهڻا نه ڏيوين، ميڏا جوڳيان دا ڀيرا -
مارو لولي...
چٽڙي ڪٽوري وچ هي مڇي دا ٻيرا،
قولين دا ڪوڙا، ول ڪيتوئي نه ڦيرا -
مارو لولي...
(21)
پـَـٽ دِي جو چولـِـي، گل بدن ديان ٻانهان،
پوپا ته پرديسي، بـُـولا بـَـرهي مدامان -
جيوين لولي...
پـَـٽ دِي جو چولـِـي، پٽ ڀريا مين موڏا،
اينوين رڙيوسي، جيوين ڏاچي دا توڏا -
جيوين لولي...
پـَـٽ دِي جو چولـِـي، پٽ ڀرياهم زخم دا،
ڪوڙا دوست پرديسي، سچا يار وطن دا -
جيوين لولي...
پـَـٽ دِي جو چولي، ميڏي پگهار جهـُـٻارُون،
سيالي دي رات، ٻيٺي گڏ گذارون -
جيوين لولي...
پـَـٽ دِي چولـِـي، ميڏي سيتي ڪا لاتي -
تين ڀي رنجايا، اسان ڳل نه پاتي -
جيوين لولي...
(22)
ڳاڙهي ته ڳئون، جنهن دي سـِـڱ سـَـلايان،
جـِـيويس ڏهندي، جنهن ڪيتيان ڀلايان -
وهوا لولي...
پرديسي دي اِٿان ڪائي ماءُ هي نه ماسي،
پرديسي اِٿان فقط الله دا راسي -
وهوا لولي...
گورم تيڏي دا ڪوئي گابا سڙدا،
عشق نماڻا وتي ڌُپان تي سڙدا -
وهوا لولي...
ناري دي واهه دي ڪائي تکي سير اي،
الله پـِـلـَـسي تيڏي مـَـنجهـِـين دا کير اي -
وهوا لولي...
گــــَـلي واليان دي مين جو ٿيسان مڱيندي،
چڙهسان ڪجاوي، ويسان موجان ماڻيندي -
وهوا لولي...
بگڙا ته جوڙا ٻڌي آندئي ٽپولي،
وس نهين پـُـڄدا ڪران لونگان دي هولي -
وهوا لولي...
برڙي جو ٻڪري، تيڏا اڇڙا جو کير اي،
سنهڙي دي سانگي ميڏي جندڙي فقير اي -
وهوا لولي...
ڀـُـورا ڀٽارا تيڪون روپـِـي جو لائـِـي،
تڪيندي کڙي آن، تيڏي آوڻ دي وائـِـي -
وهوا لولي...
ڀورا ڀٽارا، تيڪون روپي دي ڇير اي،
هولين جو آندئين، اڳـُـون جـَـتان دي ميل اي -
وهوا لولي...
بگا نـِـي جوڙا، گاهه کـَـؤندئـِـي بندر دا،
سـُـوران دا ڀائـِـي، حال ڏيوِين اندر دا -
وهوا لولي...
(23)
اُڀي دِي گاڏِي، آندي ڪـُـوڪان ڪريندِي،
بابو! ٽڪٽ ڏي جلدِي، نه ته جند هي نڪلدِي -
جيوين لولي...
اُڀي دي گاڏي، مـُـنهن ڪـِـيتس ملير ڏي،
اِهو وڇوڙا وچ لکيل تقدير دي -
جيوين لولي...
واڻ وٽيندي، ڇڪ ڏتي مين داهين،
سانول پرديسي، ميڏيان ديدان اوڏاهين -
جيوين لولي...
ڦـَـٽـِـي ته دل ڪون سهڻا، ڏيوان جو ٽيڪان،
دلبر پرديسي، اکيين نال ڏيکان -
جيوين لولي...
ڪوري ڪـُـنـِـي وچ نانگ للها - وي،
ميڏي سڄڻ دا، ڪوئي قاصد پيا آوي -
جيوين لولي...
ڳوٺ ڳڙهي دا، سانول! ڳوٺ ڳڙهي دا،
مونجهان نه ٿيوين، پنڌ هڪڙي گهڙي دا -
جيوين لولي...
سوز پريان دا، وو جندڙي پرائي،
يار دا وڇوڙا، گهوڙا موت نشاني -
جيوين لولي...
(24)
لولي جو ڏيوان، لولي ڏيوڻ ثواب اي،
ڪيهي سور سـَـلان، ميڏا اندر ڪباب اي -
الا لولي...
اکين جو تيڏيان، ڪيتئـِـي ڪجل پشوري،
پٽڙا پراوا! ڏتي ويندئين جهوري -
الا لولي...
سهڻل ميڏي ڪون ڪائي پـَـٽ دي لاڪ اي،
لاهه گهـِـن ليارا، هت دلبر هلاڪ اي -
الا لولي...
ململ دا پٽڪا، ٻيٺا مولهه مريندا،
وات دا مٺڙا، اکئين نال اَليندا -
الا لولي...
ٻـَـڌا هـِـمي پـَـٽڪا، وڪڙ ڏِتم سورهان،
سنهڙيان ني گهٽيان، مين ڪيوين هڻ ڦولهان -
الا لولي...
صدقي جو ٿيوان، تيڏي پٽڪي دي گهـُـنج تؤن،
آپ نه آوين، ڪوڙي قاصد پيا مـُـنجدئون -
الا لولي...
ڍولڻ ميڏِي دِي هي وکڙي نرالي،
ڪيا ڪيا سڻانوان، اوندي عجب هي چالـِـي -
الا لولي...
(25)
لولي تان لولي، لولي لـَـيان دي اوٽي،
بوتا اِٿاهين، ڏيجي دي ڪوٽي -
محرم لولي...
لولي تان لولي، مين ڏي نا ڄاڻان،
ڍولڻ پرديسي ڪيوين پيري سڃاڻان -
محرم لولي...
لولي تان لولي، مين ڪنهن ڪون سـُـڻيسان،
جو دم حياتي، ٻيٺي رو رو نـِـڀـَـيسان -
محرم لولي...
لولي جو لولي، لولي، آک نه ڄاڻان،
ڀلو دردونديان دي مٺي ٽور سڃاڻان -
محرم لولي...
ڪوري ڪـُـني وچ، آني هين تـَـلـُـور دي،
آپ هـِـين مرگهه، ماريئي نال گهور دي -
محرم لولي...
دُکدي ني ڳـُـوهي، دُک ٿيندي ني ڪيري،
حال دي محرم، ڦـِـر ٿيندي ني ويرِي -
محرم لولي...
سانول نه آيا، دل دا باغ هي ڪـُـومايا،
دلڙي ديواني سيني سوز سمايا -
محرم لولي...
لـَـيان تان لـَـيان، لـَـيان پٿر پـَـيان،
ڪوڙ نه مارو، مـَـين تان ٻاهر نه ڳـَـئي آن -
محرم لولي...
ڀيڻين ڀراوان شالا پووي نه گهاري،
پيڪي نه ڇوڙان، ڪڏان ٿـِـيوان نه ڌاري -
محرم لولي...
ٻيگهڙ ته والي، تيڏي ٻيگهڙ هي باري،
وَدي هين مـُـونجهـِـي، ڪيهي واقعي دي ماري؟
محرم لولي...
تون نه اَلاوين، تيڏا وات ڪنهن سـِـيتا؟
دِليان دا سودا هي، تيڪون زور نهين ڪيتا -
محرم لولي...
ويڙهه رک ڪتابان، تون قاضي قضا دا،
سڪ نه سوڙها، پاند اڙ ڳيا رضا دا -
محرم لولي...
(26)
سرحد سونهاري، تيڪون الله وسايا،
پنهل ڪون آکو، تيڏا پرديسي آيا -
سهڻا لولي...
دلبر اساڏي ڳـِـيا دِلڙي ڌتاري،
ڍولڻ ميڏي دي الله واڳ واري -
سهڻا لولي...
آنديان جو وينديان، ڏيوو يار سلامين،
هڪ هٿ پيران تي، ڏوجها ڀاڪر پاوين -
سهڻا لولي...
سنهڙي جو گاڏي، ڏاند ساوا جوتيلا،
الله ڪريسي ميڏي سهڻل دا ميلا -
سهڻا لولي...
(27)
گهڙ ڏي سونارا! ميڪون سون دِيان تاران،
ڍولڻ وڄاوي، ڪـَـن پوون تنواران -
مارو لولي...
گهڙ ڏي سونارا! ميڪون سون دي تسبيحي،
سهڻا نـِـمازي، ٽـِـيهي روزي جو رکسي -
سائين لولي...
چاندي دي چـَـڪـِـي، جنهن ڪون سوني دي ماٽ اي،
سانول رٺي ڪون، اڄ سولهين جو رات اي -
جيڏا لولي...
ڳاڙهي پڙوپي، ڇـِـڪ ماريم درياءَ ڪـُـون،
اُڏرن جو ڀيڏان، پـُـڇ مارن سما ڪـُـون -
وارث لولي...
ڳاڙهي گلولي ڇـِـڪ ماريم هـِـل ڪـُـون،
هـِـل ڪـُـون نه لڳا، لڳا گهايل دل ڪـُـون -
ڍولڻ لولي...
(28)
لولـِـي ڀلوڙي نينگر لولـِـي، لولـِـي الوڙي مارو لولي.
مـَـليا هـِـمي اَٽا، مـَـل وڌا همي پيڙا،
سهڻا جو سانول، لاتي ويندا هي جهيڙا -
بگا لولي...
چاڙهي همي ٿوٻي، گهڙ گهتيم ني پيڙا،
يار ميڏي دا سدا وسدا ني ويڙها -
بگا لولي...
چاڙهيم جو دانگي، گهـَـڙ گهتيم ني ماني،
اٿو ڙي جيڏيون! رٺا ويندا هي جاني -
مارو لولي...
چاڙهيم جو ڀاڄي، پر کـُـٽ پيا مصالحا،
سهڻل دي سانگي ڪيڏا ڪيتم ڪشالا -
بگا لولي...
سهڻي دي خاطر مين ميٽڙا مـَـليسان،
جيڪو ني بچسين، سو سينڌ ڪون لائيسان -
مارو لولي...
(29)
ڏکڻ جا ماڻهو، مون کي موليٰ ملائي،
پرين جي پاڙي مون کي قادر ڪرائي -
جيڏا لولي...
يار بنان اکيون ڪيئن ڪنديون عيدان،
سڪي ٿو سڪايل، روز دَڳن تي ديدان -
محرم لولي...
”خانڳڙهه“ جي شهر ۾، مان ته ويڙهو وڃايو،
ڳوليندي ڦولهيندي سج لهڻ تي آيو -
ڍولڻ لولي...
”گجاري“ جي ڀر تي ڪوئي رڍڙان ٿو رولي،
رڍڙن بهاني پنهنجو دلبر ٿو ڳولي -
جانب لولي...
چڙهي ٽـِـٻي تي مان اُڀو ٿو نهاريان،
ڳوڙها ڳلن تؤن هاريو پيو هاريان -
بگا لولي...
چڙهي پيهي تي پـَـريان پاتم جهاتي،
ساهه آ دمن تي، رب ڏيندو حياتي -
|
